3 orë më parëShpërthejnë kritikat për një figurë historike mes Erdoganit dhe Emirateve të Bashkuara Arabe
Periskopi(8 vite më parë)
(8 vite më parë)Presidenti turk Rexhep Tajip Erdogan ka sulmuar ministrin e jashtëm të Emirateve të Bashkuara Arabe (UAE) Abdullah bin Zayed al-Nahyan mbi akuzën ndaj Fahreddin Pashës, një komandant në Perandorinë Osmane gjatë Luftës së Parë Botërore, për “plaçkitje” të Medinës në vitin 1916. “Ata të mjerë janë në një mashtrim të tillë që mund të thonë […]
“Ata të mjerë janë në një mashtrim të tillë që mund të thonë pa një turp që paraardhësit e Erdoganit kanë vjedhur reliktin e shenjtë nga Medina dhe e kanë sjellë atë në Stamboll,” tha Erdogan më 20 dhjetor.
Komentet e tij erdhën pasi al-Zayed kishte shkruar në Twitterin e tij më 16 dhjetor duke kritikuar lidhjet historike midis Perandorisë Osmane dhe kombeve arabe, duke akuzuar Fahreddin Pasha për kryerjen e krimeve kundër popullit gjatë rrethimit të Medinës në vitin 1916, raporton “Hurriyet Daily News”, transmeton Periskopi.
“Fahreddin Pasha është një komandant që kurrë një gur të Medinës nuk e ka vjedhur. Ai siguroi të gjitha pronat e popullit të qytetit dhe asnjëherë nuk iu largua drejtësisë,” tha ai.
Gjatë Luftës së Parë Botërore, Medina ishte nën rrethim që nga viti 1916, pasi Sharif Hussain i Mekës u revoltua kundër Perandorisë Osmane, me ndihmën forcave britanike.
Fahreddin Pasha njihet si komandanti osman që ka mbrojtur qytetin kundër revoltës së Sherif Hussainit derisa Abdullah I i Jordanisë hyri në Medinë në vitin 1919./Periskopi/
