6 orë më parëTre të vdekur e dhjetëra mijëra të evakuuar nga stuhia tropikale në Filipine
Periskopi(8 vite më parë)
(8 vite më parë)Përmbytje të shkaktuara nga një stuhi tropikale, shkaktuan të paktën tre të vdekur dhe detyruan rreth 80.000 persona të largoheshin nga shtëpitë e tyre në lindje të Filipineve, bëhet e ditur nga autoritetet zyrtare. Stuhia e pagëzuar Kai-Tak, me erëra që varionin deri në 110 kilometra në orë, pritet të avancojë drejt Samarit, ishulli i […]
Përmbytje të shkaktuara nga një stuhi tropikale, shkaktuan të paktën tre të vdekur dhe detyruan rreth 80.000 persona të largoheshin nga shtëpitë e tyre në lindje të Filipineve, bëhet e ditur nga autoritetet zyrtare.
Stuhia e pagëzuar Kai-Tak, me erëra që varionin deri në 110 kilometra në orë, pritet të avancojë drejt Samarit, ishulli i tretë më i madh i Filipineve, si dhe drejt qendrës së vendit gjatë fundjavës, sipas shërbimeve kombëtare meteorologjike.
Një djalë rreth moshës 2 vjeç u mbyt në ishullin Leyte, shumë pranë Samar. Një grua vdiq si pasojë e rrëshqitjes së dheut dhe një person tjetër humbi jetën pas përmbytjeve masive.
“Thuajse gjysma e fshatrave janë përmbytur”, raportoi gjatë një bisede telefonike me televizionin filipinas ABS-CBN Marcelo Picardal, zëvendësguvernatori i provincës në lindje të Samarit.
Ishujt e Samarit dhe Leyte, ku banojnë 4,5 milionë qytetarë u prekën rëndë nga tajfuni Haiyan në 2013, ku u regjistruan në total 7.350 të vdekur dhe të zhdukur.
