Basha: Në janar nisim valë protestash popullore

Opozita do të nisë një valë të re protestash.

Përgatitjet, tha kryetari i Partisë Demokratike Lulzim Basha, do të nisin që sot, ndërsa protesta e madhe popullore do të mbahet në javët e para të janarit.

“Vendimi unanim i opozitës parlamentare është nisja e një vale protestash popullore për të ndalur çmendurinë e narkokryeministrit që sot është edhe kryeprokuror i vendit, duke rrëzuar shtyllat kushtetueste të bashkëjetesës
demokratike të vendit.

Vendimi unanim i opozitës parlamentare është nisja që sot e përgatitjes për një protestë popullore të madhe dhe kombëtare në javët e para të janarit, shkruan Tv Klan.

Ndërkohë që me parlamentin e delegjitimuar dhe ilegjitim ne do të marrim vendimin më të mirë në interes të Shqipërisë dhe shqiptarëve. Parlamenti i dalë nga votat e vjedhura të 25 qershorit, sot u deligjitimua plotësisht”, tha Basha pas mbledhjes së përbashkët të grupeve parlamentare opozitare.