4 orë më parëVersioni zyrtar i Gjykatës për dënimin e katër aktivistëve të VV-së
Periskopi(9 vite më parë)
(9 vite më parë)Gjykata Themelore në Prishtinë, sot ka shpallur publikisht Aktgjykimin kundër katër aktivistëve të Lëvizjes Vetëvendosje Atdhe Arifi, Frashër Krasniqi, Egzon Haliti dhe Adea Berisha, për veprën penale kryerja e veprës terroriste. Kjo gjykatë përmes njoftimit për media, njofton se të akuzuarit janë dënuar në total me 21 vjet e gjashtë muaj burgim. “I akuzuari A.A […]
Kjo gjykatë përmes njoftimit për media, njofton se të akuzuarit janë dënuar në total me 21 vjet e gjashtë muaj burgim.
“I akuzuari A.A është shpallur fajtor dhe është dënuar me dënim me burgim në kohëzgjatje prej 6 (gjashtë) viteve”.
“I akuzuari F.K është shpallur fajtor dhe është dënuar me dënim me burgim në kohëzgjatje prej 8 (tetë) viteve”.
“I akuzuari E.H është shpallur fajtor dhe është dënuar me dënim me burgim në kohëzgjatje prej 5 (pesë) viteve e 6 (gjashtë) muaj.
“E akuzuara A.B është shpallur fajtor dhe është dënuar me dënim burgimi në kohëzgjatje prej 2 (dy) viteve”.
Sipas gjykatës, të dënuarve do t`u llogaritet edhe koha e kaluar në arrest shtëpiak.
“Gjykata ka konstatuar se të akuzuarit A.A, F.K, E.H dhe A.B, duke vepruar në grup dhe me role të ndara, që nga mesi i muajit korrik të vitit 2016, kishin përgatitur dhe planifikuar veprime përgatitore në drejtim të kryerjes së veprës penale të sulmit mbi objektin e Kuvendit të Republikës së Kosovës”, thuhet në komunikatën e gjykatës.
Palët kanë të drejtë ankese në Gjykatën e Apelit të Kosovës .
