3 orë më parëTomë Gashi: Gjykata e Apelit do të jetë më e drejtë
Periskopi(9 vite më parë)
(9 vite më parë)Avokati Tomë Gashi, pas vendimit që është marrë sot për 4 aktivistët e Vetëvendosjes me 21 vjet burgim, ka thënë se ka qenë i padrejtë. Gashi në një bisedë në Express të KTV-së, ka thënë se do të bëjë ankesë dhe do ta dërgojnë në Gjykatën e Apelit, e nga kjo Gjykatë presin një vendim […]
Gashi në një bisedë në Express të KTV-së, ka thënë se do të bëjë ankesë dhe do ta dërgojnë në Gjykatën e Apelit, e nga kjo Gjykatë presin një vendim më të drejtë.
“Do të presim vendim më të drejtë nga Gjykata e Apelit. Atëherë gjykata e Apelit ka afat prej 3 muajve dhe ne shpresojmë që do të jetë më e drejtë dhe aktivistët do t’i shpallë të pafajshëm. Kështu do t’i tregojë shkallës së parë se si duhet vepruar”, ka thënë Gashi.
Gashi ka kujtuar edhe një herë se aktivistët kanë qëndruar më tepër se 1 vit në arrest shtëpiak padrejtësisht, e sot, përsëri padrejtësisht u dënuan.
“Por megjithatë kjo do të përmirësohet, ajo çka nuk përmirësohet është vetëm vrasja e Astrit Deharit”, tha ai.
“Ne kemi besim në apele të caktuara, varet kush është gjyqtar dhe trup gjykues. Por po shpresojmë se Gjykata e Apelit do të marrë vendim të drejtë”, tha Gashi duke shtuar se gjyqtari sot ka nxjerrë një vendim të padrejtë e të paligjshëm për 4 aktivistët.
