8 orë më parëSipas Pacollit, kjo është arsyeja pse kryeministri i Guinea Bisao-s tha se nuk e njohin Kosovën
Periskopi(9 vite më parë)
(9 vite më parë)Kryeministri i Guinea Bisao, Umaro Sissoco ka deklaruar se vendi i tij nuk e ka njohur pavarësinë e Kosovës. Këtë deklaratë ai e tha gjatë një konference të mbajtur sot në Beograd, pas takimit me ministrin e Jashtëm të Serbisë, Ivica Daçiq, shkruajnë mediat serbe. “Jam i befasuar me situatën sa i përket Kosovës. Vërtetë […]
Këtë deklaratë ai e tha gjatë një konference të mbajtur sot në Beograd, pas takimit me ministrin e Jashtëm të Serbisë, Ivica Daçiq, shkruajnë mediat serbe.
“Jam i befasuar me situatën sa i përket Kosovës. Vërtetë nuk kam parë asnjë dokument që flet për njohjen e Kosovës”, ka thënë Sissoco.
Lajmin për njohjen e Kosovës nga Guinea Bisao në vitin 2011 e kishte dhënë kryetari i AKR-së, tashmë zëvendëskryeministri dhe ministri i Punëve të Jashtme të Kosovës, Behgjet Pacolli.
Madje ky shtet figuron edhe në listën zyrtare të shteteve që kanë njohur Kosovën, të publikuar nga MPJ.
Lidhur me deklaratën e kryeministrit Sissoco, ministri i Punëve të Jashtme, Behgjet Pacolli në një prononcim për Telegrafin ka thënë se si duket kryeministri Sissoco nuk qenka i informuar për këtë gjë.
“Njohja ka ndodhur para 6 viteve dhe nota verbale është në Ministrinë e Punëve të Jashtme të Kosovës. Ky kryeministër është i ri dhe nuk qenka i informuar”, ka thënë Pacolli.
Guinea Bisao ka qenë shteti i 74-të që kishte njohur pavarësinë e Kosovës më 10 janar të vitit 2011.
