3 orë më parëPresidenti i Zimbabvesë merr një lajm jo të mirë nga partia e tij
Periskopi(9 vite më parë)
(9 vite më parë)Me ditët politike të Robert Mugabe, të numëruara, partia qeverisëse ZANU-PF e ka shkarkuar atë si udhëheqës. Komiteti i tij Qendror thotë se ai duhet të japë dorëheqjen nga presidenti deri të hënën ose do të fillojë procedura e pezullimit. Komiteti qendror i partisë ZANU-PF në Zimbabve të dielën e largoi presidentin Robert Mugabe nga […]
Komiteti qendror i partisë ZANU-PF në Zimbabve të dielën e largoi presidentin Robert Mugabe nga posti i tij si udhëheqës i partisë. Partia njoftoi gjithashtu se e kishte emëruar Emmerson Mnangagwan në vendin e tij.
Gruaja e Mugabes, Grace, gjithashtu u largua nga partia.
Një ditë pasi vendi shpërtheu me gëzim me shpresën për t’i dhënë fund epokës së Mugabesë, është hapi i parë formal që është marrë për ta larguar nga posti, raporton “Deutsche Welle”, transmeton Periskopi.
Takimi vjen përpara një raundi të dytë bisedimesh mes Mugabes dhe komandantit të ushtrisë për të gjetur një fund dinjitoz për sundimin presidencial shumëvjeçar.
We have recalled president Mugabe, he is no longer the president of ZANU PF. May he leave with grace.
— ZANU PF (@zanu_pf) November 19, 2017
Chris Mutsvangwa, i cili udhëhoqi fushatën për të hequr qafe Mugaben, tha se agjenda e takimit të partisë përfshin gjithashtu rivendosjen e ish-nënpresidentit Emmerson Mnangagwa dhe heqjen e gruas së presidentit, Grace Mugabe, si presidentja e “ZANU-PF Women’s League”.
Komiteti Qendror tha se Mugabe duhet të japë dorëheqjen si president nga dita e hënës, ose parlamenti do të fillojë procedurat e pezullimit të martën.
Liga e Rinisë ka qenë tepër besnike ndaj Mugabes, por tani thotë se duhet të japë dorëheqjen “në mënyrë që të mund të pushojë si burrështetas i moshuar që ai është”.
Zyrtarët e Zimbabvesë nuk kanë zbuluar detaje rreth bisedimeve të planifikuara për të dielën, por thuhet se ushtria do të preferonte që Mugabe të japë dorëheqjen vullnetarisht për hir të krijimit të një ligjshmërie në dorëzimin e udhëheqjes presidenciale.
Ka spekulime se Mugabe mund të përdorë çfarëdo fuqie që ka lënë për t’u përpjekur të ruajë trashëgiminë e tij si një nga udhëheqësit e çlirimit të Afrikës, ose ndoshta për të mbrojtur veten dhe familjen e tij nga ndjekja penale.
Të martën e ardhshme, Bashkësia për Zhvillimin e Afrikës Jugore (SADC) do të diskutojë krizën politike të Zimbabvesë kur të takohet për një samit katër-ditor në kryeqytetin Angolan të Luandas./Periskopi/
