Politiko: EULEX i përgjumur, korrupsioni e zgjon nga gjumi

Thuhet se polemika e fundit e ndërthurur me akuzat dhe kundërpagesat goditi një mision, buxheti vjetor i të cilit është 50 milionë euro me 800 punonjës.

Një ish-gjyqtar i cili dha dorëheqjen nga Misioni për shkak të korrupsionit është nën hetim për korrupsion, abuzime dhe mashtrime, sipas gazetës evropiane me bazë në Bruksel.

Gjyqtari britanik Simons në një intervistë me gazetën franceze “Mond” tha se dha dorëheqjen për shkak të “rasteve të korrupsionit brenda misionit”, duke thënë se EULEX është një “mision politik”, raporton “b92”, transmeton Periskopi.

“Në javët e fundit kam raportuar disa raste të korrupsionit brenda misionit, në veçanti, kam bërë pyetjen se pse gjyqtari i dytë i EULEX-it ka hakuar emailin tim, kam kërkuar nga Shërbimi i Jashtëm Britanik dhe BE’ja të kalojnë rastin në polici, por ata refuzuan të më ndihmonin”, tha Simoni.

Nga ana tjetër, misioni i EULEX njoftoi të enjten se Simons kishte qenë subjekt i disa hetimeve të pavarura gjatë vitit të kaluar, në të cilin u bënë dyshime serioze kundër tij, si dhe një hetim mbi pretendimet që ai kishte bërë.

“Këto hetime janë kryer nga një ekip i themeluar në Bruksel dhe i kryesuar nga një ish-gjyqtar i Gjykatës Evropiane të Drejtësisë, të cituar në faza të ndryshme të hetimit, disa prej të cilave janë dërguar në bordin disciplinor dhe aktualisht janë në pritje mbi vendimin e tyre”, njoftoi përmes një deklarate EULEX.

Përfaqësuesja e lartë e BE’së Maja Kocijančič, me rastin e akuzave të Simons, tha se Bashkimi Evropian nuk toleron “sjellje të papërshtatshme”. “EULEX zbaton parimin e tolerancës zero për sjellje të pahijshme, dhe kjo vlen për të gjithë anëtarët e Misionit, pavarësisht nga pozita e tyre”, tha Kocijançiç.

Me rastin e dorëheqjes së një gjyqtari britanik nga BE, ata thanë se një hetim është duke u zhvilluar nga një gjykatës i pavarur./Periskopi/