Mbi 350 milionë euro u inkasuan nga ATK-ja, kaq pritet të bëhen këtë vit

Në një prononcim për ‘Indeksonline’, zëdhënsja e ATK-së, Valentina Bytyqi ka treguar të hyrat e  ATK-së prej periudhës Janar deri Tetor të këtij viti. Sipas saj, kanë shënuar rritje dukshëm më shumë se sa në vitin e kaluar.

“ATK po vazhdon në një trend të vazhdueshëm pozitiv në rritjen e të hyrave tatimore, si rrjedhojë kemi pasur rritje prej 4.4 % më shumë për periudhën Janar-Tetor 2017, në raport me periudhën e njëjtë të vitit 2016”, është shprehur ajo.

Megjithatë, Bytyqi tregon se nga kjo periudhë nga të hyrat  ATK-ja ka inkasuar mbi 350 milionë euro.

E, kjo ka bërë të veçoi se është dukshëm më shumë se sa në vitin e kaluar.

“Për këtë periudhë ATK ka inkasuar 351 milion euro, ose 14.7 milion euro më shumë se e njëjta periudhë e vitit paraprak”, ka thënë Bytyqi.

Më tej, zëdhënsja e ATK-së ka bërë të ditur edhe planin  e tyre që kanë për të hyrat tatimore.

Ajo thotë se plani i ATK për këtë vit është 423 milion euro.

Sipas saj, kjo ngritje është si rezultat i planifikimi të mirëfillt, rritjes së bashkëpunimit me agjencionet tjera, menaxhimit dhe punës ekipore të stafit të ATK-së i cili ka aplikuar një qasje profesionale me integritet të lartë ndaj tatimpaguesve.

Por, gjithsesi,  duke informuar tatimpaguesit për obligimet e tyre tatimore, duke udhëzuar ata për zgjidhjen e problemeve, dukë bërë vizita edukative dhe aktivitete të tjera të përcaktuara nga dokumentet strategjike të ATK-së, siç është Plani për Trajtim të Rreziqeve, Planet Operative, e të tjera.

Në fund, ATK konsideron se është në rrugë të duhur që të punojë  shumë në ndërtimin e një sistemi të mirëfilltë të mbledhjes së tatimeve dhe se rezultatet do të jenë akoma më të mira në numra viteve të ardhshme.