Kodra voton vetë dhe fton qytetarët e Kaçanikut që të votojnë

Kandidati i Vetëvendosjes për kryetar të Kaçanikut, Basri Kodra ka kryer obligimin e tij si qytetar për të votuar.

Ai ka ftuar edhe qytetarët e kësaj komune që të dalin dhe ta shprehin vullnetin e tyre.

Kodra është në balotazh me Besim Ilazin e PDK-së.

‘’Unë sapo shpreha vullnetin tim qytetar e politik. Ftoj edhe qytetarët e Kaçanikut që të dalin dhe të shprehin vullnetin e tyre politik me pjesëmarrje sa më të madhe demokratike e gjithë partiake. Urojmë qytetarët e Kaçanikut për ditën e sotme!’’, ka thënë Kodra./Periskopi/