Gazetari tregon bisedën e fundit me Sokol Olldashin: Ajo natë ferri (Foto)

Nesër bëhen 4-vite të ndarjes nga jeta e deputetit demokrat Sokol Olldalli.

Ditën e sotme gazetari Ilir Kadia me anë të një statusi në Facebook tregon takimin e fundit mes tyre.

Ai shkruan se, një ditë para aksidentit, së bashku me Olldashin dhe Adi Krastënzhvilluan një bisede që zgjati gati 2 orë.

“Kur u dha lajmi në televizion atë natë ferri u futa në dhomën time e qava… qava! Pas varrimit shkova vetë në vendngjarje të bindesha për çfarë kish ndodhur”- shkruan Kadia.

Olldashi humbi jetën në një aksident në zonën e Krrabës, më datë 20 nëntor të 2013.

Postimi i plotë

Sokol Olldashi. Mëngjesin e një dite para se të ndodhte aksidenti u takuam rastësisht tek “Artisti “.

Po pinim kafe me Ad Krastën kur u shfaq Koli me cigarishte në buzë. Hajde e pimë jashtë! Këtu s’ lejohet! Hajdeni se kam mall! -na tha e ne u çuam me qejf.

Biseduam nga të gjitha muhabetet nga “a” tek “zh” për gati dy orë. Sikur u rrëfyem! Unë i thosha Kolit Çërçill! Se jo vetëm i ngjante në atë foton e njohur me puro por edhe pse ishte i qartë dhe i vendosur në ç’thosh e bënte, si ai.

E njihja shumë mirë atë vend. Kisha punuar ekonomist në kooperative në fillim të viteve 80’. Pyeta mirë e mirë! U binda! Fati i keq në një natë shekspiriane.

Tani, sa herë shkoj në varreza, kthehem medoemos tek Koli! E shoh në sy gjatë! Mundohem të çmallem! /albeu.com/