3 orë më parëErdogan akuzon SHBA’në për financimin e grupit islamik
Periskopi(9 vite më parë)
(9 vite më parë)Presidenti turk Erdogan ka pohuar se veprimet e SHBA’së në Siri nuk janë në përputhje me bashkëpunimet ndërmjet aleatëve. Presidenti i Turqisë Rexhep Tajip Erdogan ka akuzuar Uashingtonin për sponsorizimin e grupit terrorist Daesh si dhe mos përmbushjen e premtimit për tërheqjen e forcave kurde siriane nga rajonet siriane të çliruara nga militantët e Daesh’it. […]
Presidenti i Turqisë Rexhep Tajip Erdogan ka akuzuar Uashingtonin për sponsorizimin e grupit terrorist Daesh si dhe mos përmbushjen e premtimit për tërheqjen e forcave kurde siriane nga rajonet siriane të çliruara nga militantët e Daesh’it.
“Ata [SHBA] thanë se ishin duke luftuar Daesh, por çfarë bënë ata në vend të kësaj? I kanë dhënë Daesh’it dollarë…” tha Erdogan, duke shprehur zhgënjim të thellë mbi mospërputhjen e SHBA’së me marrëveshjet e arritura, raporton “Sputnik International”, transmeton Periskopi.
Ankaraja nuk dëshiron të jetë aleate me SHBA në zonën kufitare siriane të Afrin, e kontrolluar nga grupet siriane kurde, pasi Uashingtoni “nuk e mban fjalën e tij”, sipas Erdogan.
Më herët, Presidenti turk paralajmëroi se Ankaraja nuk do të lejonte një “korridor terrorist” në kufirin e tij jugor me Sirinë dhe nënvizoi një ofensivë në Afrin.
Deklarata erdhi pas një marrëveshjeje të arritur nga Turqia dhe Rusia mbi një plan të përbashkët veprimi për qytetin Afrin, i cili sipas Erdogan “hapi mundësi të reja” për Turqinë që të ndërmarrë hapat e nevojshëm.
Erdogan ka pohuar në mënyrë të përsëritur se SHBA po mbështet terroristët në Siri, pas ndihmës së Uashingtonit ndaj Forcave Demokratike të Sirisë, e cila kryesisht përbëhet nga luftëtarë kurdë të cilët Ankaraja akuzon për lidhje me PKK-në (e ndaluar në Turqi si një organizatë terroriste)./Periskopi/
