E dhimbshme, kjo është poezia që Çun Lajçi i kushton vajzës që i vdiq mbrëmë

Mediat kanë raportuar se vajza 34-vjeçare me inicialet B.L, që është gjetur e vdekur, është e bija e Çun Lajçit.

Ajo është gjetur sot e vdekur dhe dyshohet se shkaktar i vdekjes së saj është mbidoza. Sipas informacioneve, vajza e Lajçit ka ndërruar jetë mbrëmë.

Megjithëse Lajçi nuk e ka pohuar një lajm të tillë, ai ka publikuar në Facebook një poezi, që duket se i kushtohet këtij rasti, shkruan Periskopi.

Shihni më poshtë poezinë e artistit Lajçi:

A këputet peni moj e mira ime

S’po t’shkruaj ma
Si herave tjera për t’iu kthye
Pendimit
Se nenin e lidhun n’fyt
E paske zhgjidhë vetëm,
Pa m’pritë mua nga rrugë e largët
Shpresash paske ikë mbramë
N’udhëtimin tand t’fundit
Diku n’Ashkelon
N’kërkim t’fatit e t’vajit
Oooo
Mos ma vajtoni
Se sherua qenka përgjithmonë
Tue kërkua gurin e vet të varri.