Dialogu në nivel presidentësh? Nuk pritet mirë nga deputetët

Dialogu mes Kosovës dhe Serbisë i cili ka kaluar tashmë në nivel presidentesh, nuk po pritet shumë mirë nga një pjesë e atyre që i përfaqësojnë qytetarët në parlamentin e Kosovës.

Madje presidenti Thaçi, pati kërkuar që në kuadër të dialogut të ketë edhe përfshirje të subjekteve politike dhe pjesëtarëve të shoqërisë civile.

Deputeti nga radhët e Nismas dhe anëtari i komisionit parlamentar për punë të jashtme, Zafir Berisha, i cilëson si të gabueshme dhe jo kushtetuese marrëveshjet e arritura më parë në Bruksel.

Berisha thotë se duhet të ketë një komision i cili do t’i verifikoj të gjitha marrëveshjet e arritura në Bruksel nga pala kosovare dhe ajo serbe, pasi nuk duhet të mbështetën vendime të cilat shkojnë në dëm të vendit .

Gjersa deputetja e AAK-së dhe anëtarja e komisionit për të pagjeturit, Teuta Haxhiu thotë se marrëveshjet e arritura ndërmjet Kosovës dhe Serbisë deri më tani nuk kanë prodhuar rezultate në interes të Kosovës, por veç sa e kanë ndihmuar Serbinë në rrugën e anëtarësimi drejtë BE-së.

Haxhiu, personalisht mendon se ky format i bisedimeve në nivel presidentesh nuk do t’i sjell rezultate
Formati i bisedimeve kohë më parë ka kaluar nga ai në nivel kryeministrash në atë presidentësh.