Vuçiq dhe Irinej takohen me dyer të mbylluara, ata i kanë këto brenga

Presidenti i Serbisë, Aleksandar Vuçiq e ka pritur sot patriarkun serb, Irinej, në takim me dyer të mbyllura. Në këtë takim është biseduar për natalitetin, presionet dhe për Kishën Ortodokse Serbe.

Bashkë me Vuçiqin në takim ka qenë edhe sekretari i përgjithshëm, Nikola Selakoviq.

Siç është njoftuar, Vuçiq dhe Irinej janë pajtuar se “qëllimi vital i shtetit serb është ruajtja e pavarësisë dhe lirisë, si dhe e drejta e Serbisë që të merr vendime për veten dhe të ardhmen e saj pa i pyetur vendet tjera”.

Vuçiq, thuhet tutje në njoftim, e ka njoftuar patriarkun Irinej, “me problemet dhe presionet e mëdha me të cilat përballet Serbia në tentim për të ruajtur paqen, stabilitetin dhe të ardhmen e sigurt për fëmijët”.

Të dy bashkëbiseduesit janë shprehur të brengosur për shkak të natalitetit jashtëzakonisht të ulët në Serbi, kurse Vuçiq e ka njoftuar patriarkun me masat e ndryshime që do të ndërmerr shteti në tentim që një situatë e tillë të përmirësohet.

Ata të dy kanë folur edhe për gjendjen e Kishës Ortodokse serbe në Kosovë dhe “ruajtjen e mëtutjeshëm të trashëgimisë kulturore dhe historike”./Lajmi/