Turqia shënon 94 vjetorin e Republikës, Erdogan mban fjalim drithërues

“Dua të festoj Ditën e Republikës së secilit prej miliona qytetarëve tanë që jetojnë brenda ose jashtë vendit tonë”, tha Erdogan në një mesazh të lëshuar më 28 tetor, ndërsa përkujtoi ushtarë dhe veteranë të rënë në betejat luftarake.

“Përkujtoj me mirënjohje dhe bekim të gjithë veteranëve tanë, veçanërisht Ghazi Mustafa Kemal, themeluesin e Republikës sonë dhe komandantin fitues të Luftës sonë të Çlirimit”, tha ai, duke iu referuar Mustafa Kemal Ataturkut, themeluesit të Turqisë moderne.

Duke thënë se Republika e Turqisë “nënkupton rritjen dhe rilindjen e një kombi fisnik nga hiri që preferon të vdesë në vend që të bëjë kompromis nga liria dhe nderi”.

Në mesazhin e tij, Erdogan tha se shpirti që arriti fitoren në vitin 1923 është ende gjallë sot, ndërsa përkujton 250 njerëz të vrarë gjatë rezistencës ndaj përpjekjes së dështuar të 15 korrikut 2016, që besohet gjerësisht se është organizuar nga Organizata Terroriste Fethullahist, raporton Hurriyet Daily Neës”, transmeton Periskopi.

Presidenti tha gjithashtu se “ne punojmë ditë e natë për t’i shërbyer vendit tonë në mënyrën më të mirë pa asnjë dallim, me moton “Nuk ka sundim, por ka shërbim për kombin””.

“Në 15 vitet e fundit, reformat historike që kemi realizuar në të gjitha fushat nga demokracia në liri, nga tregtia në investime, nga shëndeti në politikë të jashtme janë manifestimet më të dukshme të këtij vullneti. Sot, porta e shpresës për të gjithë njerëzit e shtypur në botë është Turqia,” tha ai.

Shpallja zyrtare e Republikës Turke nga Atatürku u bë më 29 tetor 1923 kur u shpallë emri i kombit dhe statusi i saj si republikë./Periskopi/