‘S’ka mujt Serbia me zhvendos UP’në, s’do të mundeni as ju’ – Pacollit i vie përgjigja nga Demokracia Studentore

Në një komunikatë të dërguar për media, në reagimin e tyre shkruan:

”Demokracia Studentore reagon ndaj deklaratës së kandidatit për kryetar të komunës së Prishtinës z.Selimi Pacolli, askush nuk mundet ta zhvendos Universitetin e Prishtinës dhe ta rikthej në qendër Islamike!

Demokracia Studentore për mes një komunikate për media ka reaguar ndaj deklaratës së kandidatit për kryetar të komunës së Prishtinës z.Selimi Pacolli i cili gjatë shpalosjes së programit për  qeverisjen e komunës së Prishtinës tha se ne do ta zhvendosim UP-në dhe do ta shndërrojmë në nja qendër islamike!

Mexhid Ramusa nga Organizata “Demokracia Studentore” shprehet se ne studentët e Republikës së Kosovës jemi të shqetësuar nga deklaratat dhe planin e kandidatit për kryetar të Komunës së Prishtinës nga radhët e AKR-së z. Selim Pacolli në  lidhje me planin e zhvendosjes së UP-së  për ta shndërruar në një qendër Islamike!

Ne studentët ja rikujtojmë z. Pacollit që as Serbia në kohen e okupimit nuk ka mundër ta zhvendos universitetin e Prishtinës në objekt kishtar e cila me dhunë ka tentuar dhe e ka vendosur Kishën Ortodokse ne Kampusin Universitar dhe as një herë nuk ka mundër ta vë në  funksion,  por as ju nuk mundeni pasi UP-ja është tempull i dijes dhe jo tempull i objekteve fetare.

Ne si student të republikës se Kosovës, kemi nevojë për zhvillimin e sektorit te Teknologjisë Informative Laboratorë liberalizim të vizave, depolizim të universiteteve, punësime  e jo për qendra islamike!”