Me shkuarjen e emigrantëve, Italia mbushet me terroristë

Italia është në alarm nga emigrantët masivë që vinë nga Afrika, veçanërisht ata nga Tunizia, të cilët zbarkojnë në Mesdhe për të gjetur “tokën e premtuar” me rrezikun e vdekjes të cilin e mbartin gjithmonë mbi supe.

Dy javë më parë kryebashkiaku i Lampeduzës Salvatore Martello lëshoi alarmin se në mesin e qindra tunizianëve ka shumë ekstremistë të cilët mund të jenë terroristë potencialë, raporton “La Repubblica”.

I njëjti alarm u përforcua edhe nga Roberto Ammatuna, qytetari i parë i Pozzallo-s, i cili u shpreh se problematika është tejet shqetësuese dhe nuk është thjesht dhe vetëm çështje e rendit publik.

Nevoja për të kryer kontrolle në “zonat e nxehta” përforcohet edhe nga fakti që Tunizia është vendi që ka numrin më të madh të luftëtarëve të huaj në Evropë.

Disa mekanizma zgjidhjeje janë riatdhesimet që janë pjesë e marrëveshjeve dypalëshe Itali-Tunizi, si dhe vendosja e kuotave, për jo më shumë se 30 klandestinë në javë.

Kujtojmë që në dhjetë ditët e fundit kanë zbarkuar më shumë se sa 500 klandestinë, ku 380 prej të cilëve janë mbajtur për disa javë në qendrat e pritjes së Lampeduzës, dhe më pas u është dhënë një urdhër dëbimi për largim nga Italia brenda 7 ditëve.