Shfaqet një objekt alien në sistemin tonë diellor, vërtetohet nga shkencëtarët (Video)

Meabh Hyland, një student i PhD nga Qendra e Kërkimit të Astrofizikës në Queen’s, tha: “Është e mrekullueshme dhe emocionuese ta shohim këtë objekt duke kaluar përmes sistemit tonë të planetit”.

Një ekip ndërkombëtar i studiuesve, të udhëhequr nga shkencëtarët e Universitetit të Queen’s në Belfast, po përdor teleskopë të fuqishëm për të studiuar përbërjen kimike të objektit të vogël shkëmbor, i cili u identifikua për herë të parë përmes një teleskopi në Havai javën e kaluar, raporton “Disclose”, transmeton Periskopi.

Profesor Alan Fitzsimmons, nga Shkolla e Matematikës dhe Fizikës të universitetit Queen’s, e përshkroi zbulimin si një “dridhje poshtë shpinës”.

Duke komentuar projektin, ai tha: “Nga e mërkura këtë javë u bë pothuajse e sigurt se ky objekt ishte i huaj për sistemin tonë diellor.”

“Sapo filluam ta studiojmë atë natë përmes teleskopit Herschel në Ishujt Kanarie, pastaj të enjten mbrëma përmes teleskopit gjigand në Kili”, shtoi ai.

Gjetjet e para mbi objektin me lëvizje të shpejtë, i emërtuar me emrin A/2017 U1, tregojnë se tashmë është duke u kthyer në yje pas fluturimit afër diellit muajin e kaluar.

Gjithashtu besohet se ka kaluar nëpër galaktikë për miliona apo edhe miliarda vjet, përpara se të hyjë në sistemin tonë diellor rastësisht. Është menduar se është hedhur nga një sistem tjetër yjor gjatë formimit të një planeti./Periskopi/

https://www.youtube.com/watch?v=3VKbh_aGoMo