Serwer përkrahë Brian Lee, thumbon Serbinë – ‘zgjidhni mes BE’së ose Rusisë’

Daniel Serwer, drejtori i Programit të Menaxhimit të Konfliktit në Shkollën Johns Hopkins të Studimeve Ndërkombëtare dhe ish-diplomat thotë se pajtohet me pretendimin e Hoyt Brian Yee, raporton “b92”, transmeton Periskopi.

“Pyetja që ngrihet: pse dikush në një vend që ka nevojë për reforma ekonomike dhe politike të mbyllet në Moskë? Rusia ka një ekonomi me përmasat e Spanjës (me Katalonjën) dhe një sistem politik që i drejtohet prokurorisë dhe vrasjes për të eliminuar konkurrencën. Ndërkohë që ushtria ruse ka pasur sukses në ndërhyrjen e saj në Ukrainë dhe Siri, ajo nuk ka asgjë afër kapacitetit që Perëndimi ka për të mbrojtur miqtë dhe aleatët e tij,” tha Serëer, duke shtuar se Rusia është” një fuqi në rënie rajonale, e varur shumë nga hidrokarburet në vend të një ekonomie të larmishme”.

Megjithatë, Serëer shpjegon se Serbia ka mbajtur marrëdhënie të rëndësishme me Rusinë – bashkëpunimin ushtarak, interesat ekonomike dhe afinitetin kulturor sllav.

“Rusët i kanë dhënë Serbisë MiG-të, kanë përfshirë Serbinë në stërvitjet ushtarake dhe kanë ngritur një bazë logjistike humanitare pranë Nishit,” tha ai, duke shtuar se Rusia po stopon gjithashtu hyrjen e Kosovës në OKB.

Serëer pohon se marrëdhëniet e ngushta me Rusinë gjithashtu nënkuptojnë pranimin e normave qeverisëse të Putinit, ndërsa Reformat që Bashkimi Evropian kërkon si kusht për pranim kërkojnë që udhëheqësit politikë të bëjnë gjëra të vështira që bllokojnë së paku një pjesë të korrupsionit endemik në Ballkan./Periskopi/