Sa paguhet për një mbrëmje live? Gena i përgjigjet pyetjes që i bëjnë të gjithë

Të gjithë ne e njohim si Gena, por ky është vetëm emri artistik i këngëtarit të njohur korçar. Briken Lito është një prej më të paguarve në tregun muzikor dhe ky lajm nuk është më i ri. Mes shumë emrave të njohur që vazhdojnë të jenë aktivë me koncerte, mbrëmje live apo darka familjare, është edhe Gena. Por nëse bëhet fjalë për çmime, natyrisht, ai nuk mund të jetë njëlloj me këngëtarët e tjerë.

Megjithatë, edhe pse nuk përmend shifër konkrete, Gena, në një intervistë për “Pasdite në Top Channel”, pranon se është ndër këngëtarët që paguhen mirë. Madje, thotë ai, kjo është ndoshta pyetja që njerëzit i bëjnë më shpesh, “Sa paguhesh?”:

Por sa është çmimi me të cilin paguhet Gena, nëse këndon në një lokal live, në një koncert apo festa familjare? Për këtë, Gena, natyrisht, nuk bën publike një shifër, por pranon se është i kënaqur me çmimin që i ka vendosur publiku: “Çdo artist që është sot ndër më të kërkuarit në tregun muzikor nuk e bën publik çmimin. Unë mund të di sa paguan një lokal, por edhe çmimi vendoset në bazë të asaj që jep për publikun. Po nuk dhe, nuk merr. Mendoj se sa më shumë t’i japësh publikut, aq më shumë do të paguhesh…”, – thotë Gena. Dhe meqë këngëtarit i ka dalë nami se krijon shumë atmosferë dhe për shumë orë në mbrëmjet live, natyrisht edhe vlera me të cilën shpërblehet është e lartë.

Por sa mund të jetë shifra për një natë live? Shumëëë…