“Reality show” në Ukrainë shfaq tmerrin e vajzës së përdhunuar

Vogëlushja 12 vjeçe nga Ukraina me foshnje në krahë, para kamerave zbulon se fëmijën nuk e ka me fqinjin, siç kishte thënë në herët, por atë e ka me njërin prej anëtarëve të familjes së saj i cili është i ulur para saj.

Kjo skenë e tmerrshme u tregua në një emision ‘reality’ me titull “Shqetësimet e gjithë neve”, kur Tania e vogël nga qyteti Lavovo në perëndim të Ukrainës e ballafaquar me rezultatet e testit të ADN-së të cilët e konfirmojnë se fqinji 18 vjeç, edhe pse kishte pranuar se ka pasur marrëdhënie me të, nuk është babai i fëmijës, pas të cilit dyshimi ra në njerkun dhe dy vëllezërit e saj, transmeton Gazetametro.net.

Në emisionin paraprak, para publikut, sikur në inkuizicion e kishin marrë në pyetje Tania’n e vogël mbi detajet e ferrit nëpër të cilin kishte kaluar kur i kishte 11 vjet, derisa nëna e inkurajonte që të përgjigjet në çdo pyetje. Ajo në atë kohë ishte shtatzënë.
Kur u paraqit herën tjetër para kamerave e kishte me vete edhe beben pesëjavëshe.
“Nuk dua të flas sepse ai person është këtu në studio”, ka thënë vogëlushja derisa kalonte para njerkut dhe dy vëllezërve të vjetër 15 dhe 17 vjeç.

Ky program i tërboi shikuesit derisa edhe psikologët u lajmëruan për këtë rast.
“Kjo vogëlushe thjesht është e frikësuar, e tani edhe e deprimuar”, ka thënë psikologja Vlada Berezjanskaja, e cila e kishte kontrolluar para emisionit.

Kritikët këtë “reality” e shpallën të sëmurë, ndërsa u paraqitën pyetjet prej rrezikimit të privatësisë së adoleshentes, nëpër rolin e nënës së Tania’s, e deri te përgjegjësia penale e të gjithëve të përzier në përdhunim.

“Ky është mundim i pështirë mesjetar e vogëlushes e cila nuk është fajtore”, ishte i qartë njëri nga shikuesit.
Policia është interesuar për këtë rast dhe për momentin është duke hetuar se kush e ka përdhunuar adoleshenten, por nuk u bë fjalë për ndalimin e episodit të ardhshëm në të cilin, sipas njoftimeve të producentëve, para kamerave do të duhej të zbulohet e vërteta.