Peci: Tentativa për ndryshim të lokacionit të stadiumit e panevojshme

Ish këshilltari në Ministrinë e Kulturës, Faton Peci ka thënë se sa kanë qenë në ministri kanë filluar me procedurat e ndërtimit të Stadiumit Kombëtar.

“Synimi ynë ka qenë që të ndërtohet një Qendër Kombëtare Sportive”, ka thënë Peci, njofton Klan Kosova.

“Kjo qendër sipas planifikimit që kemi pas sa kemi qenë pjesë e qeverisë dhe ministrisë, stadiumi ka qenë plan me 30 mijë shikues, fushat e tenisit, qendra komerciale dhe fakulteti i sportit dhe fushat e jashtme me qendrat e akomodimit dhe hotelit”, ka shtuar ai.

Më tej Peci ka thënë se ish kryeministri Isa Mustafa në mars të këtij viti ka marrë vendimin për ndarjes e parcelës në Bërnicë të Prishtinës, hapësirë kjo nga 38 hektarë me mundësi të zgjerimit deri në 60 hektarë.

“Tentativa për të ndryshuar lokacion është e panevojshme pasi është bërë punë më shumë se dy vjeçare”, është shprehur ai.

Më tej është diskutuar për sasinë e ndotjes që mund të ketë Bërnica, për shkak se është afër Obiliqit.

“Bërnica nuk është hapësirë pjesë e ndotur”, ka thënë ai.

“Gurthyesit janë shëmtia e Kosovës në hyrje të Drenasit, plus elementi Ferronikel dhe atje planifikohet të ndërtohet fabrika dhe deponia për trajtimin e kafshëve të ngordhura”, ka shtuar ai ndër të tjera.

Më tej Peci ka thënë se para rrëzimit të Qeverisë nëntë kompani kanë aplikuar për ndërtimin e stadiumit.