Papa Françesku befason me këtë deklaratë, ‘Zoti nuk ka shkop magjik…” (Video/Foto)

Duke folur në Akademinë Papnore të Shkencave, Papa bëri komente duke thënë se teoria e evolucionit dhe Big Bangu janë të vëreta, raporton “The Independent”, transmeton Periskopi.

Francis shpjegoi se të dyja teoritë shkencore nuk ishin të papajtueshme me ekzistencën e një krijuesi – duke argumentuar se dyjat teoritë e “kërkonin” zanafillën e Zotit.

“Kur lexojmë për Krijimin dhe Zanafillën, ne rrezikojmë të imagjinojmë se Zoti ishte një magjistar, me një shkop magjik i aftë për të bërë gjithçka. Por kjo nuk është e vërtetë”, tha Papa Françesku.

“Big Bang, që sot ne themi të jetë origjina e botës, nuk kundërshton ndërhyrjen e krijuesit hyjnor, por, në të vërtetë e kërkon atë”, shtoi ai.

“Evolucioni në natyrë nuk është në kundërshtim me nocionin e krijimit, sepse evolucioni kërkon krijimin e qenieve që evoluojnë”, tha ai.

Kisha Katolike ka kohë që ka pasur një reputacion për të qenë anti-shkencore – duhet kujtuar rasti famëkeq kur Galileo u përball me inkuizicionin dhe u detyrua të tërhiqte teorinë e tij “heretike” ku thoshte se toka lëvië rreth diellit.

Por komentet e Papa Françeskut ishin më shumë në përputhje me punën progresive të Papa Piut XII, i cili hapi derën për idenë e evolucionit dhe përshëndeti në mënyrë aktive teorinë e Big Bangut.

Në vitin 1996, Gjon Pali II shkoi edhe më tej dhe sugjeroi se evolucioni ishte “më shumë se një hipotezë” dhe “fakt i vërtetuar në mënyrë efektive”.

Megjithatë, kohët e fundit, Benedikti XVI dhe këshilltarët e tij të ngushtë kanë mbështetur me sa duket idenë se dizajni inteligjent mbështet evolucionin – ideja se përzgjedhja natyrore në vetvete është e pamjaftueshme për të shpjeguar kompleksitetin e botës./Periskopi/