3 orë më parëOsmani e Hamza përplasën për kategorinë e grave të dhunuara
Periskopi(9 vite më parë)
(9 vite më parë)Ministri i Financave, Bedri Hamza dhe deputetja e LDK’së, Vjosa Osmani janë përplasur në Kuvend për kategorinë e grave të dhunuara gjatë luftës në Kosovë, shkruan Periskopi. Në seancën në të cilën po diskutohet për rishikimin e projektligjit të buxhetit, Osmani i ka thënë Hamzës së po aludon në fryrjen e listës së grave të […]
Në seancën në të cilën po diskutohet për rishikimin e projektligjit të buxhetit, Osmani i ka thënë Hamzës së po aludon në fryrjen e listës së grave të dhunuara.
“Ju po thoni se një grua lajmërohet se është e dhunuar, ndonëse s’ka qenë ndonjëherë. Asnjë grua nuk vjen e thotë që jam dhunuar, e dua të marrë subvencion. A je tu e dit çka po flet. Dëgjojë të gjithë që thonë se 20 mijë gra janë të dhunuar. Ambasadorja juaj në SHBA e përmend në çdo deklaratë të saj se janë 20 mijë gra të dhunuara. Ju tash po thoni se është fryrë lista e grave të dhunuara, qysh s’po ke turp”, i tha Osmani Hamzës.
Më pas, ai iu kundër-përgjigj duke thënë se kategoria e grave të dhunuara është më e ndjeshme, andaj nuk do të donte të bënte politikë me të.
“Është kategoria që më së paku dua të bëjë politikë me të. Është kategoria më e ndjeshme. Uroj që ky numër të jetë sa më i vogël, jo për shkak të buxhetit po për shkak të dhimbjes që e kanë përjetuar. Qaq sa të jetë, kur të konfirmohet do të bëhet kompensimi i tyre. Shumë prej tyre që janë të prekshme e të dhimbshme nuk do t’i kërkojnë as ato që u takojnë. Ky proces është në vijim, ende nuk është përmbyll”, i tha Hamza./Periskopi
