3 orë më parëNobelistja ua thotë serbëve në Beograd: Nacionalizmi juaj i ka bërë shumë të kqija Kosovës, veç me bomba…
Periskopi(9 vite më parë)
(9 vite më parë)Mysafirja më e famshme e Panairit të 62-të Ndërkombëtar të Librit në Beograd, ishte shkrimtarja gjermane dhe fituesja e Çmimin Nobel për Letërsi, Herta Muller. Përveç që prezantoi përkthimet e librave të saj, ajo ka marrë pjesë edhe në debatin ku temë qendrore ishte shpërthimi i nacionalizmit në ish-Jugosllavi dhe ringjallja e diktaturës në Evropë. […]
Përveç që prezantoi përkthimet e librave të saj, ajo ka marrë pjesë edhe në debatin ku temë qendrore ishte shpërthimi i nacionalizmit në ish-Jugosllavi dhe ringjallja e diktaturës në Evropë. Por, gjërat që tha nuk u pëlqyen serbëve, për çka kishte edhe reagime.
“Millosheviqi ka mundur të gjunjëzohet veç me bomba”, ka thënë ajo, transmeton Telegrafi. “Serbia vetes i solli të ligat dhe banorët duhet të jetojnë me të vërtetën se vetes i sollën vuajtje”.
Serbët ia kujtuan qëndrimin që ajo shprehu më 1999, gjatë bombardimeve të NATO-s. Muller në një ese atëherë kishte shkruar se nuk e kupton qëndrimin arrogant të Serbisë kundrejt NATO-s dhe se Sllobodan Millosheviqi duhet të ndalet përgjithmonë.
“Ai i cili për nëntë vite udhëheq katër luftëra dhe i cili në mënyrë pragmatike ndërton varrezat si qytetet, ai nuk mund të mundet me fjalë”, ka shkruar atëherë ajo, por të njëjtën e mendon edhe sot.
“Kosovës dhe Bosnjës i janë bërë aq të këqija me atë nacionalizëm të tmerrshëm”, shprehet shkrimtarja e njohur. “Nuk e kam pritur këtë nga një shtet si Jugosllavia që për ne ishte si një gjysmë Parajsë (Muller është gjermane nga Rumania ku nën regjimin e Nicolae Ceaucescu jetoi deri më 1987)”.
Në replikën se Millosheviqi nuk u përmbysë nga NATO po nga serbët në rrugët e Beogradit, ajo shtoi se familja e tij jeton në Rusi ku i pret mirë Vladimir Putini.
“Ky është një pozicion mashtrues. Politika e Putinit është ekspansioniste”, ka thënë ajo, duke ngjallur reagime tjera. “Putini po përzihet dhe do të kthejë gjërat në dobi të tij. Ky është parimi i shërbimeve sekrete”.
Nobelistja tha se nuk është pacifiste, ndaj shton se intervenimi ushtarak është qëndrim moral dhe njerëzor.
Herta Muller u lind më 1953 në pjesën rumune të Banatit. Nga viti 1987 jeton në Berlin. Çmimin Nobel për Letërsi e ka fituar më 2009. Në shumë prej veprave të saj ka përshkruar jetën rurale dhe shtypjen brutale në Rumaninë nën diktatorin Causescu. Babai i saj gjatë Luftës së Dytë Botërore ishte pjesëtar i njësitit nazist SS. Ndonëse “ajo nuk është si babai i saj” dhe se “nuk pajtohet me atë që ai ishte”, shprehet se përherë duhet të sqarohet për të.
