7 orë më parëNgritet aktakuzë për blerjen e testit të patentë shoferit në Prizren
Periskopi(9 vite më parë)
(9 vite më parë)Prokuroria Themelore në Prizren, ka ngritur aktakuzë kundër të akuzuarve H.A., dhe B.S, për shkak të veprave penale, marrja dhe dhënia e ryshfetit. “Sipas aktakuzës, H.A. më 29.09.2017, në cilësinë e personit zyrtar – instruktor dhe pronar i një auto shkolle, me seli në Prizren, në mënyrë të drejtpërdrejtë pranon përfitim për vete që të […]
Prokuroria Themelore në Prizren, ka ngritur aktakuzë kundër të akuzuarve H.A., dhe B.S, për shkak të veprave penale, marrja dhe dhënia e ryshfetit.
“Sipas aktakuzës, H.A. më 29.09.2017, në cilësinë e personit zyrtar – instruktor dhe pronar i një auto shkolle, me seli në Prizren, në mënyrë të drejtpërdrejtë pranon përfitim për vete që të mos veproj në pajtim me detyrën e tij zyrtare, ashtu që nga kandidati B.S. pranon treqind (300) euro, për të mundësuar dhënien e testit teorik për patentë shofer. H.A. me këto veprime ka kryer veprën penale “marrja e ryshfetit”, nga neni 428 paragrafi 1, të KP-ës”, thuhet në njoftim.
Kurse i akuzuari i dytë B.S. sipas prokurorisë gjatë muajit gusht të vitit 2017, në mënyrë të drejtpërdrejtë jep shumën prej 300 eurove instruktorit dhe pronarit të auto shkollës me qëllim të dhënies të testit teorik duke kryer veprën penale “dhënia e ryshfetit”.
