Nga Aeroporti tregojnë nëse ka probleme me fluturime për shkak të borës

Nuk ka probleme me aterinimin apo nisjen e aeroplanëve nga aeroporti i vetëm komercial i vendit, thotë zëdhënësja e tij, megjithë raportimet e mediave se kushtet e motit kanë vështirësuar operimin

Operimet si në nisje, ashtu edhe në ardhje, janë duke u zhvilluar pa kurrfarë problemi apo vonese, në aeroportin Adem Jashari, ka thënë zëdhënësja Valentina Gara për Klan Kosovën.

Ajo ka mohuar pretendimet se ka pasur probleme me aterimin apo nisjen e aeroplanëve nga pista, duke nënvizuar se kushtet e motit si ato të sotmet nuk mund ta pengojnë rrjedhën normale të punës.

Kjo pas raportimeve nga disa media se aterimet në “Adem Jashari” janë zhvilluar me probleme, për shkak të ngricës në pistë, si rrjedhojë e të reshurave të borës, dhe rënies së menjëhershme të temperaturave.