Mimoza Kusari e detyron Ardian Gjinin të sqarojë shtimin e pronave të tij

Kandidatja e Alternativës për kryetare të Gjakovës, Mimoza Kusari-Lila ia ka përmendur Ardian Gjinit të AAK-së pronat e shumta që ai i posedon,  e të cilat  i janë shtuar kohëve të fundit.

Ajo i ka kërkuar Gjinit llogari para publikut për prejardhjen e pasurisë së tij.

“Ti si ministër i mjedisit është dashur t’i ndalosh investimet në prevall por t’i ke vjedhur aty. Si e bërë gjithë këtë pasuri që e ke?”, ka pyetur Kusari Lila në emisionin “Rubikon” të KTV-së.

I menjëhershëm ka qenë reagimi i Gjinit, i cili ka sqaruar se të gjithë pasurinë e paluajtshme që e ka, burim i mjeteve financiare kanë qenë bankat në Kosovë, nga ku thotë të ketë marrë kredi.

“Një plac në Prishtinë që e kam blerë me kredi në vitin 2006 dhe e kam shitur në vitin 2016.Shtëpinë në prevall e kam blerë në prevallë. Krejt cka kam blerë i kam bërë përmes bankës”, ka deklaruar ai.

‘’Pse po i thu qytetarëve se kam shtëpi në Prevallë. A ju kërkon falje qytetarëve. Ajo është  e papërfundume. ‘’, iu është përgjigjur ai.

Tutje Gjini tha se Mimoza Kusari ka 2 milionë euro tokë në Prishtinë./Periskopi/