‘Migjeni’ ka disa fjalë për ata që krahasuan simbolin e tyre me atë të vegetës (Video)

Kandidati për kryetar të Ferizajt nga kjo Nismë, Bashkim Fazliu ka bërë të ditur gjatë një interviste për Periskopin se simboli i fushatës së tyre, në fakt ka lidhje me modelin e fushatës dhe historisë amerikane.

“Gjatë historisë njerëzor shumë lëvizje botërore janë identifikuar me një simbol. Unë e kam menduar gjatë dhe doli ashtu që me u lidh me një simbol është më mirë. Unë e kam model fushatën amerikane apo historinë amerikane. Simboli ynë është amerikan. Fuqinë e ka marrë në luftën civile. ‘Zero killed’ e kanë bërë ushtarët amerikanë kur janë kthyer prej luftës dhe ka qenë shenjë e mirë se nuk është vrarë askush. Nuk e ka pasur asnjë subjekt politikë. Kjo është përfaqu edhe nga qytetarët”, ka thënë Bashkim Fazliu, i cili ndryshe njihet edhe si ‘Migjeni’, nofkë që i ka mbetur që nga vitet e 99’ta kur edhe kishte qenë pjesë e UÇK’së.

Ai ka folur edhe talljet që i kanë bërë me këtë simbol, duke e njëjtësuar me simbolin e vegetës.

Sipas tij, këto tallje tregojnë se sa të painformuar janë qytetarët.

“Kam pa shumë reagime, disa e kanë identifiku me vegetën. Nuk e kam pas as si ide se çfarë shenje mund ta ketë vegeta. Kjo tregon mos-informimin e njerëzve. Kur na thanë neve vegetë, unë thash se këta nuk kanë parë më shumë se vegeta. Po shihet sa janë të informuar”, deklaroi Fazliu./Periskopi/

https://www.youtube.com/watch?v=4K6SGKx7Q8Y