17 minuta më parëMediat serbe raportojnë për propagandën ruse
Periskopi(9 vite më parë)
(9 vite më parë)Tetë vende të BE’së kanë nënshkruar një letër duke kërkuar që “propaganda ruse të kundërshtohet, veçanërisht në Ballkanin Perëndimor”. “Tanjug” raportoi këtë të marte duke cituar të përditshmen kroate “Jutarnji List”, e cila, nga ana tjetër, citonte faqen e internetit të EUobserver me bazë në Bruksel, e cila tha se kishte parë letrën dërguar shefit […]
“Tanjug” raportoi këtë të marte duke cituar të përditshmen kroate “Jutarnji List”, e cila, nga ana tjetër, citonte faqen e internetit të EUobserver me bazë në Bruksel, e cila tha se kishte parë letrën dërguar shefit të politikës së jashtme të BE’së Federica Mogherini, raporton “b92”, transmeton Periskopi.
Sipas kësaj, Kroacia është ndër tetë nënshkruesit.
Letra u dërgua dhjetë ditë më parë dhe u nënshkrua nga ministritë e jashtme të Kroacisë, Republikës Çeke, Letonisë, Lituanisë, Polonisë, Rumanisë, Suedisë dhe Mbretërisë së Bashkuar.
Këto vende po kërkojnë që Shërbimi Evropian i Veprimit të Jashtëm (EEAS) “në mënyrë të konsiderueshme zgjeron punën e tij në kundërshtimin e propagandës ruse, veçanërisht në jug të Evropës dhe Ballkanit Perëndimor”.
Në letër thuhet se “përballë fushatave të pandërprera të dezinformimit të palës së tretë, ne shohim një nevojë urgjente për të përmirësuar më tej aftësitë e StratCom të BE’së”.
Gazeta kroate kujton se StratCom është një zyrë e themeluar nga BE dhe e mbështetur nga të gjitha shtetet anëtare, qëllimi i të cilave është “të zbulojë dhe të hedh poshtë të vërtetën për BE’në, që BE mendon se Rusia po përhapet kudo në botë”./Periskopi/
