4 orë më parëMbi 350.000 njerëz marshojnë në Barcelonë për unitetin e Spanjës
Periskopi(9 vite më parë)
(9 vite më parë)Qindra mijëra njerëz, të cilët dëshirojnë që Katalonja të mbetet pjesë e Spanjës, kanë marshuar sot në qendër të Barcelonës, dy ditë pasi shumica separatiste në Parlamentin e Katalonjës e përkeqësoi krizën politike duke votuar për t’u ndarë nga Spanja. Organizatorët thonë se qëllimi i marshit është të mbrohet uniteti i Spanjës dhe të refuzohet […]
Organizatorët thonë se qëllimi i marshit është të mbrohet uniteti i Spanjës dhe të refuzohet “sulmi më i pashembullt në historinë e demokracisë”, raporton AP.
Liderët e partive rivale pro-bashkimit nga radhët e konservatorëve, liberalët pro-biznesit dhe socialistët janë bashkuar nën sloganin “Të gjithë ne jemi katalanë. Mendim praktik për bashkëjetesë!”
Organizatorët e marshit, Societat civil Catalana, ka thënë se mbi 1 milion njerëz kanë dalë në rrugë për të marshuar. Marshi nuk ka shënuar asnjë incident, sipas këtij grupi.
Ndërkohë, policia ka thënë se rreth 350.000 njerëz kanë marrë pjesë në marsh.
Shumë demonstratorë kanë valëvitur flamuj spanjoll, katalan dhe të Bashkimit Evropian duke e vërshuar bulevardin në qendër të Barcelonës.
Disa kanë bartur banera me mbishkrimin: “Nuk do ta lejojmë Spanjën të ndahet në copa”, si dhe “Zgjimi i një kombi të heshtur”.
