Kurti: Buxhet i shkatërruar nga lufta, i vjedhur nga paslufta

Deputeti Albin Kurti ka kritikuar dokumentin e sjellur nga Qeveria e Kosovës për rishikimin e buxhetit.

Ai ka thënë se në një dokument prej më shumë se 100 faqesh ka vetëm fjalë boshe dhe asgjë konkrete.

“Nuk ka asnjë shenjë që do të ketë dicka të re sa i përket prodhimit, industrinë apo programit shkencor. Ky buxhet k mban të pasurit në të njëjtin nivel dhe i zhytë rthellë e thellë të varfërit. Është diskutuar vetëm për parimet programore të Qeverisë një tekst me 10 faqe. Te program do ta gjejmë frymën dhe germën e orientimit të qeverisë. Ky program e parasheh të kundërtën e asaj që parasheh ekonomia: sa më shumë aq më pak”, ka thënë Kurti në fjalën e tij, shkruan Periskopi.

Kurti ka thënë se programi qeverisës për rishikimin e buxhetit parasheh vetëm shpenzime dhe ngjan në një listë dëshirash që nuk mund të plotësohen kurrë.

“Programi qeverisës ka shumë më shuëm faqe e fjalë se sa dokumenti I parimeve programore. Bashkë me faqet është shtuar edhe numri i kontradiktave. Program me shumë fjalë por pa kuptim. Me një listë dëshirash për sundimin e ligjit pa treguar si do realizohen këto dëshira. Mungesa e metodës degradon zhvillimin në administrim”, ka thënë Kurti.

“Flisni vetëm për shpenzime dhe administrim, jo e të hyrave dhe administrimit. Prej 5 deri në 7 për qind, kjo është tallje, që të arrihen shifra të tilla duhen disa vjet për rimëkëmbje. Një shoqëri e shkatërruar prej luftës dhe e vjedhur prej pasluftës, nuk mund të arrijë rimëkëmbjë të tillë”, ka thënë ai.

Ai ka kritikuar edhe vendosjen e shumë prioriteteve nga Qeveria

“A e dinë këta qeveritarë që kur shpallin kaq shumë prioritete, nuk e ke asnjë prioritet, prandaj mendojnë vetëm për shpenzime. Mbizotëron parashikimi naiv që do të bëhet mirë”, ka thënë Kurti./Periskopi/