Korab Sejdiu ka një kërkesë për Presidentin Thaçi

Deputeti i pavarur i Kuvendit të Kosovës, Korab Sejdiu, në seancën e sotme parlamentare ka kërkuar dëshmi – video, për betimin e gjyqtarëve serb.

Ai ka thënë se për dallim nga rastet e tjera të betimit të gjyqtarëve para Presidentit të Republikës, dje kanë dalë vetëm lajme dhe asnjë fotografi apo video ku dëshmohet se gjyqtarët serb janë betuar se do ta zbatojnë Kushtetutën e Republikës.

“Kërkojmë të paraqitet ndonjë dëshmi, video ku kjo gjë dëshmohet. Dhe a ka pasur koncesione që me i bind gjyqtarët serb të betohen për zbatimin e kushtetutës së Kosovës”, ka thënë Sejdiu.

Ai gjithashtu ka thënë se është i shqetësuar se po lëvizë kufiri me Malin e zi dhe për këtë ka kërkuar sqarim nga kryeministri Haradinaj.