Konjufca përmend disa nga të ‘gjeturat skandaloze’ të Auditorit të Përgjithshëm

Në seancën e Kuvendit të Kosovës, Konjufca i ka përmendur disa nga të gjeturat e Auditorit.

“Nëse e lexoni përmbajtjen e auditorit, gjetjet janë shqetësuese. Thuhet se nuk është monitoruar fondi për pacientët që kanë kërkuar shërim jashtë vendit. Nuk janë trajtuar në bazë të urgjencës, por varësisht prej afërsisë që e kanë pasur me ministrin. Çantat e fëmijëve nuk janë lehtësuar aspak. Ka dështuar prokurorimi i tenderave, kontratave të ndërtimeve e shumë çështje të tjera, në të cilat prokuroria do të mund të niste hetimet për korrupsion. Auditori po i thotë ato që opozita i ka ngritur në mandatin e kaluar”, ka thënë Konjufca.

Tutje ai ka thënë se Auditori është dashur të ketë trefishin e kapaciteteve me të cilat operon aktualisht.

“Të kish pas më shumë resurse njerëzore e buxhet do të gjente edhe më shumë shkelje. Auditori nuk është përkrahë nga qeveritë, të cilat e bazojnë konceptin e tyre në afera korruptive, nuk u konvenon auditimi. Atyre ju konvenon 1 auditor shumë i dobët. Ne e kemi një auditor, jo me u realizu rekomandimet e tij, po i cili mjaftohet me shkruat raporte. Auditori nuk është për me shkrujt raporte, po me jap rekomandime që zbatohen”, tha tutje Konjufca.

Më tej, ai ka folur edhe për të gjeturat e Auditorit për komunat e pjesës veriore të Kosovës.

“Komunat e veriut nuk i sjellin asnjë cent buxhetit të Kosovës. Nuk zbatohet ligji i tatimit në pronë dhe i lejeve të ndërtimit. Po të zbatohej ligji, komunat do të vjelnin të hyra që do ta lehtësonin buxhetin e vendit.  2 mijë euro veç në vit një komunë e Kosovës ka të hyra”, deklaroi Konjufca./Periskopi