Kjo është porosia e NATO’s për transformimin e FSK’së në Ushtri

Gjatë një vizite në Kosovë, Gottemoeller theksoi se edhe në takime me përfaqësues të institucioneve kanë diskutuar rreth kësaj çështje, porse qëndrimi i NATO-s vazhdon të jetë i pandryshuar se transformimi i FSK-së është çështje e autoriteteve kosovare.

“Patëm një takim konfidencial, nuk mund të hy në hollësi por diskutuam shumë çështje të cilat kanë të bëjnë me sigurinë e Kosovës dhe stabilitetin e sigurinë përgjatë rajonit. Ne diskutuam në të gjitha këto tema, transformimin e FSK-së dhe dua t’iu përçoj një mesazh të cilin e dëgjuat kur sekretari i përgjithshëm i NATO-së Jens Stoltenberg ishte këtu në shkurt të këtij viti. Ai tha se transformimi i FSK është çështje e autoriteteve te Kosovës që të vendosin. Por në anën tjetër është me rëndësi të jashtëzakonshme që ai transformim të bëhet në pajtim me procedurat e duhura kushtetuese”, tha Gottemoeller.

Përfaqësuesja e lartë e NATO-s, e pyetur se kur do të mund të shkojë FSK-ja në veri pa lejen e NATO-s, tha se kjo çështje po diskutohet tash sa kohë dhe do të vazhdojë të trajtohet hap pas hapi.

“Kjo edhe një herë është çështje e cila është një çështje që mjaftë kohë dhe është me së miri që ta nënvizoj që kjo është duke u trajtuar në mënyrë përgjegjëse dhe do të vazhdoj që të jetë një temë e cila duhet të trajtohet në një mënyrë hap pas hapi. Kështu që mendoj që nuk ka diçka më shumë që të thuhet në këtë moment”, tha ajo.

Zëvendëssekretarja e NATO-s, më tutje shtoi se vizita e saj në Kosovë tregon përkushtimin e tyre ndaj Kosovës dhe paqes e stabilitetit në Ballkanin Perëndimor. Gottemoeller tha se stabiliteti në Kosovë është i rëndësishëm edhe për stabilitetin në tërë Evropën.

Ajo theksoi progresin e arritur në Kosovë, sidomos në aspektin e sigurisë, por gjithashtu kanë parë edhe ngecje, porse janë të vetëdijshëm për sfidat me të cilat ballafaqohet Kosova. Gotemoeller shtoi se KFOR-i nuk do të largohet pa përfunduar detyrat e tij në Kosovë.