7 orë më parëKëta janë kandidatët që fituan mandatin e kryetarit për herën e tretë
Periskopi(9 vite më parë)
(9 vite më parë)Dje (e diel) në tërë territorin e Republikës së Kosovës janë zhvilluar zgjedhjet e rregullta lokale në 38 komuna. 43,82 për qind e qytetarëve me të drejtë vote, kanë votuar gjatë ditës së djeshme për të preferuarin e tyre për kryetar komune. Sipas rezultateve preliminare, 19 komuna kanë shkuar në balotazh, ndërkaq po aq janë […]
Dje (e diel) në tërë territorin e Republikës së Kosovës janë zhvilluar zgjedhjet e rregullta lokale në 38 komuna. 43,82 për qind e qytetarëve me të drejtë vote, kanë votuar gjatë ditës së djeshme për të preferuarin e tyre për kryetar komune.
Sipas rezultateve preliminare, 19 komuna kanë shkuar në balotazh, ndërkaq po aq janë fituar në raundin e parë.
E ajo që vlen të theksohet është se në mesin e komunave që kryetarët janë zgjedhur qysh në raundin e parë, kandidati i pavarur i Hanit të Elezit, Rufki Suma dhe kandidati i LDK-së për Fushë Kosovën, Burim Berisha, kanë arritur që të marrin mandatin e tretë qeverisës pa balotazh.
Në zgjedhjet e djeshme Rufki Suma sipas rezultateve preliminare të KQZ-së ka arritur të marrë 2 mijë e 823 vota apo 57,32%, ndërkaq Burim Berisha ka arritur të marrë 8 mijë e 103 vota apo 63,41%.
Kujtojmë se numër të ngjashëm të votave kishin marrë edhe në zgjedhjet e 2013-ës dhe 2009-ës
Në zgjedhjet e 2013-ës, Rufki Suma kishte marrë 2 mijë e 864 vota apo 54,74%, kurse Burim Berisha kishte marrë 9 mijë e 382 vota apo 64,33%.
Edhe në zgjedhjet e 2009-ës, të dy këta kandidatë njëri në Han të Elezit e tjetri në Fushë Kosovë, kishin arritur qysh në raundin e parë të siguronin votat e mjaftueshme për të qeverisur me komunat e tyre.
Në këto zgjedhje Rufki Suma kishte arritur të marrë 2 mijë e 417 vota apo 53,13%, kurse Burim Berisha kishte arritur të marrë plot 6 mijë e 606 vota apo 56,99%.
