Katalonja e nervozon historianin serb, hedh vrer mbi Perëndimin

Analisti politik dhe historiani Nebojsha Maliç e vëzhgoi këtë rast duke shkruar një artikull për “RT” me titull “Kosova kryeson Katalonjën, por Perëndimi nuk do ta pranojë”.

Megjithatë, ishin këto vende që “shkruan rregullat që katalanët tani po ndjekin”, argumenton Maliç dhe vëren se “NATO, nga e cila Spanja është anëtare, deklaroi se” çështja e Katalonjës është një çështje e brendshme e cila duhet të zgjidhet brenda territorit të rendit kushtetues të Spanjës.”

Ky rast është “dukshëm ndryshe nga viti 1999, kur të gjitha këto vende vendosën që Kosova nuk ishte çështje e brendshme ose pjesë përbërëse e Serbisë dhe mori pjesë në luftën e paligjshme dhe jo legjitime të NATO-s për të siguruar ndarjen e saj,” shkruan Maliç, raporton “b92”, transmeton Periskopi.

Në vitin 2008, kur qeveria e përkohshme shqiptare etnike në atë krahinë të okupuar serbe shpalli pavarësinë, “të gjitha këto vende e njohën atë menjëherë dhe ushtrojnë presion ndaj të tjerëve për ta bërë këtë (…) pozita e tyre ndaj separatizmit nuk është parimore por oportuniste,” vazhdon ai.

Sipas tij, “Uashingtoni vazhdon të këmbëngulë me kokëfortësi që Kosova ishte një “rast unik” – duke kërkuar kështu të justifikonte veprimet e tij të paligjshme në Jugosllavi – dhe më vonë në Irak, Libi dhe Siri”.

“Jo vetëm që SHBA’të pushtojnë këdo që dëshiron, liderët e saj flasin për sovranitetin”, ndërsa dërgojnë nënsekretarë zëvendës ndihmës të ndryshëm për të shndërruar qeveritë vasale në bindje. Perëndimi mund të paraqitet si kujdestar i ligjit dhe rendit ndërkombëtar, por në të vërtetë, i ngjan një perandorie të kaosit,” përfundon Maliç./Periskopi/