Katalonia nuk pranon kontrollin nga Madridi

Njerëzit e Katalonjës thonë se nuk mund të pranojnë masat “e paligjshme” të marra nga qeveria spanjolle për të sunduar rajonin drejtpërdrejt nga Madridi.

Kështu tha kreu katalanas Carles Puigdemont të shtunën, duke i bërë thirrje parlamentit rajonal që të veprojë kundër tyre, shkruan reuters, transmeton Indeksonline.

Puigdemont tha se vendimi i kryeministrit Mariano Rajoy për të shkarkuar qeverinë rajonale dhe për të detyruar një zgjedhje të re, e cila do të jetë efektive të premten e ardhshme, ishte “sulmi më i keq kundër institucioneve dhe popullit të Katalonjës që nga diktatura ushtarake e Francisco Franco”.