3 orë më parëKadri Veseli e Lumir Abdixhiku përplasen keq për veteranët: Ti je rrenc, unë jap dorëheqje nëse …
Periskopi(9 vite më parë)
(9 vite më parë)Kryetari i Kuvendit të Kosovës, Kadri Veseli dhe deputeti i LDK’së, Lumir Abdixhiku janë përplasur në Kuvend për listat e veteranëve, shkruan Periskopi. Ishte deputeti i LDK’së i cili tha se nga listat e veteranëve duhet të largohen mashtruesit, meqë Kosova nuk i ka 60 mijë veteranë, por 17 mijë. Më pas i reagoi kryetari […]
Ishte deputeti i LDK’së i cili tha se nga listat e veteranëve duhet të largohen mashtruesit, meqë Kosova nuk i ka 60 mijë veteranë, por 17 mijë.
Më pas i reagoi kryetari i Kuvendit i cili kërkoi nga ai që të flas në mënyrë konkrete se kush i ka fryrë listat dhe ka bërë manipulime.
I menjëhershëm ishte reagimi i Abdixhikut i cili ia drejtoi gishtin kryetarin e Kuvendit, si një prej ‘shefave’ që ka fryrë listat.
“Kadri Veseli, Hashim Thaçi e komandantët e tyre kanë fryrë listat. Ju po prisni prej meje me ju tregu se kush a. Qe kush i ka fry listat”, tha deputeti i cili drejtoi gishtin tek Veseli.
Më pas Veseli i reagoi Abdixhikut, të cilit i tha se e ke urryer dhe e urren edhe sot UÇK’në.
“Si poezi je tu i formulu. Duhesh me pas kujdes, me fol në mënyrë konkrete. Merndova që po jep naj kontribut e jo me manipulu. Shëndetësia u udhëheq nga partia në të cilën je ti. Nuk mundesh me ndërlidh shëndetësisë me veteranët. Mundesh me fy sa të dush edhe të gjithë fatkeqësinë e Kosovës me gjet te gjaku i luftëtarëve. Cilin veteran e ka fut Kadri Veseli, a ka ndonjë anëtar të familjes, ndonjë shok që është në listë. Ti e ke urrejt UÇK’në, e urren edhe sot o Lumir. Si po të ec puna me pazare andej. Fol pa inate. E dina që lista janë fryrë shumë. Partia juaj i ka shti qindra persona”, i tha Veseli.
Sërish reagoi Abdixhiku, i cili i tha Veselit se do të mbahet mend fillimisht si shef i SHIK’ut, e më pas si dikush që e ka pru PDK’në nga një parti e madhe në një grusht deputetë.
“S’po guxojnë me të thanë, po krejt po keshin. Ti po don me falimentu Kosovën”, tha ai.
Më pas Veseli e quajti atë ‘rrenc’ dhe i tha se do të japë dorëheqje nëse pas luftës dikush nga SHIK, organizata të cilën e ka drejtuar është dënuar.
Abdixhiku sërish i reagoi the e pyeti Veselin se tek cili prokuror t’i dërgojë dëshmitë e emrat e veteranëve që janë në lista.
“Tek prokurorët që ju i keni emëruar përmes aferës Pronto a”, i th Abdixhiku Veselit./Periskopi
