Isa Mustafa e shkeli ligjin gjatë votimit, KQZ sqaron se kush ishte përgjegjës (Foto)

Ai në vend të ndonjë dokumenti të vlefshëm për votim, ka prezantuar një kartelë të Universitetit të Prishtinës, përpara komisionerëve, duke e ditur faktin që ai është profesor universitar.

Ligji nuk e lejon që një qytetar të votojë me këtë lloj dokumenti.

Anëtari i KQZ-së nga Vetëvendosje, Adnan Rrustemi për Periskopin ka thënë se Isa Mustafa në këtë rast ka bërë një shkelje ligjore, pasi sipas tij votimi bëhet vetëm me letërnjoftim, pasaportë apo leje të vozitjes.

‘’Në bazë të ligjit të zgjedhjeve dhe procedurave të votimit, identifikimi i votuesve mund të bëhet vetëm me letërnjoftim, pasaportë apo leje të vozitjes të Republikës së Kosovës. Çfarëdo dokumenti tjetër është i pavlefshëm për nevoja të votimit, ndërsa komisionerët duhet të kujdesën që në secilin rast, votimi të jetë në përputhje procedurat zyrtare të votimit.’’, ka sqaruar  ai për Periskopin.

Sipas ligjit dhe rregullores së KQZ-së, qytetarët e Republikës së Kosovës lejohen që të votojnë me:

1. a) letërnjoftim të vlefshëm;
2. b) pasaporta valide;
3. c) dokumenti i vlefshëm i udhëtimit;
4. d) leja e vozitjes e vlefshëm e Kosovës

Sipas rregullave nëse dikush do ta paraqiste ndonjë ankesë për këtë rast, do të ndëshkoheshin komisionerët, por si e tillë, nuk ndërmerret ndonjë gjë.

Komisionerët është dashur ta kthejnë, ndërsa  vezhguesit dhe ata të OJQ-ve  e kanë atë të drejtë ankesën./Periskopi/