Hoti kërkoi që ‘nënat të bëjnë fëmijë sa më shumë’, Stavileci: Me 300 euro rrogë mos krijoni familje 7 anëtarëshe (Video)

Deputeti i PDK’së, Andin Hoti, ka deklaruar në Kuvendin e Kosovës se duhet të gjendet një ‘formulë’se si nënat shqiptare të lindin sa më shumë.

Hoti aludonte në një ‘formulë financiare’ pasiqë fjalën e kishte për ndihmën që duhet t’ua jep shteti nënave të reja për rritjen e fëmijëve.

“Me gjetë një mundësi, një formulë për nanat shqiptare për shtimin e natalitetit. Me gjetë një mundësi, jo ato 50 euro me lanë me 50 euro me kry, me gjetë një mundësi qysh mujmë me gjetë një mundësi qysh mujmë me i ndihmu nanave në Kosovë që ato me lindë sa ma shumë, që ato me pasë mundësi me i rritë fëmijët e vet, me i këqyrë fëmijët e vet në kushte sa ma të randa”, deklaroi Hoti dje në Kuvendin e Kosovës, shkruan Periskopi.

https://www.facebook.com/Andin.U.Hoti/videos/1441140369272508/

Mirëpo, ndryshe nga Hoti, mendonte dikur bashkëpartiaku i tij, atëkohë ministër i Zhvillimit Ekonomik, Blerand Stavileci, i cili thoshte se qytetarët që marrin 300 euro rrogë, nuk duhet të krijojnë familje shtatë anëtarëshe.

Ai kishte thënë se familjet kosovare duhet të kenë planifikim familjar dhe edukim financiar dhe të mos marrin në qafë fëmijët dy ose tre vjeçar.

“Mund të shohim se këtë herë dikush vuan edhe nga mungesa e një planifikim familjar dhe një edukimin financiar. Unë nuk mendoj se në shekullin XXI dikush i cili merr një pagë 300 euro duhet të bëjë familje shtatë anëtareshe. Ai duhet t’i dijë kapacitetet e tij. Ai po e merr në qafë një fëmijë dy ose tre vjeçar”, ka thënë Stavileci, në Interaktiv të KTV’së./Periskopi/

https://www.youtube.com/watch?v=a6-ma0UF6lo