Gruaja keniane në pritje të vdekjes si pasojë e mungesës së barnave elementare (Foto)

Shtatë vajzat dhe djemtë e 37-vjeçares, të gjithë më të rinj se 15 vjeç, rrethojnë shtratin e saj të ngushtë. Ata kanë nevojë që nëna e tyre të jetë mire, raporton “Al Jazeera”, transmeton Periskopi.

E gjithë prona e Adanit përbëhet prej një shtëpie me një dhomë gjumi, e ndërtuar nga balta dhe një çati prej hekuri.

Thatësira vrau shumicën e bagëtisë së saj; ajo nuk ka ushqim për të ushqyer fëmijët e saj. Burri i saj u largua nga shtëpia disa javë më parë me bagëtinë e vetme që kishte mbetur, duke kërkuar kullota larg vendlindjes së tij.

Dhe tani, greva e infermierëve që filloi para katër muajve i ka komplikuar sfidat e saj të jetesës në një klimë të ashpër me infrastrukturë të dobët.

“Fillova të gjakosem të hënën e kaluar,” thotë ajo.

“Isha duke qëndruar në shtëpi duke bërë detyrat e mia dhe papritur më pa një kokërr gjaku që më rridhte nga këmbët, gjakderdhja ishte aq e rëndë sa humba vetëdijen. Fëmijët e mi nxituan dhe i ftuan fqinjët për të më ndihmuar”.

Një infermiere në Kenia ka një pagë të ulët ku fiton 200 dollarë në muaj.

Ndërsa Kenia përgatitet për tjera zgjedhje presidenciale të enjten, çështja e përfundimit të grevës së infermjereve nuk është trajtuar në mënyrë gjithëpërfshirëse.

As presidenti Uhuru Kenyatta, as udhëheqësi i opozitës Raila Odinga nuk ka premtuar të ringjallë sektorin shëndetësor.

“Kur greva filloi në qershor të këtij viti, unë kisha planifikuar të vizitoj një klinikë, sepse kisha humbur ciklin tim menstrual prej gati dy vjetësh, fatkeqësisht, infermieret shkuan në grevë dhe nuk kisha vend për të kërkuar ndihmë”, thotë Adani me lot në sy.

“Ambulancën të cilën e vizitova për të kuruar sëmundjen time më thanë se kushton 1.500 shilinga ($ 14.50). Ata më vunë në një pikë dhe futën një copë leshi pambuku në vaginë time për të ndihmuar në kontrollimin e gjakderdhjes. Ambulanca nuk ka para për të marrë me qira një makinë, prandaj pres që të vdes. Unë nuk kam asnjë ndihmë nga askush”, thotë Adan.

Të dhënat mjekësore tregojnë se Adan mund të kishte një tumor në qafën e mitrës, duke thënë se ajo kishte nevojë për ekzaminim të mëtejshëm dhe transfuzion urgjent të gjakut.

‘Uroj që qeveria të mbarojë grevën’

Ndërsa ecën nëpër korridore të zbrazëta, Peter Marete, një oficer klinik në Qendrën Shëndetësore Merti, i konfirmon “Al Jazeera” se shumica e shërbimeve në spital do të ndalen në qershor.

Ai merr pjesë në rastet më urgjente me ndihmën e vetëm dy bashkëpunëtorëve – një teknik laborator dhe një staf administrativ.

“Siç mund ta shihni, situata është shumë e keqe këtu”, thotë ai. “Këta fëmijë kanë ardhur shumë larg me prindërit e tyre”.

Zakonisht, infermieret japin injeksione.

Shërbimet si vaksinimet, planifikimi familjar dhe materniteti janë mbyllur në objektin e tij.

“Ky grevë infermierësh do të ketë një ndikim shumë të madh në këto shërbime, sepse shumë gra po vdesin në shtëpitë e tyre si pasojë e mungesës së vaksinimit por edhe për fëmijët është një tragjedi e njejtë. Dëshiroj që qeveria të përfundojë këtë grevë menjëherë pasi njerëzit këtu nuk kanë alternativë” thotë ai.

Më shumë se 25,000 infermiere të Bashkësisë Kombëtare të Infermiereve të Kenias kërkuan në qershor nga qeveria të nënshkruajë një marrëveshje kolektive të negociatave (CBA), por ata refuzuan.

CBA përfshiu kërkesat për kompensime të rreziqeve të njëtrajtshme dhe shëndetësore, të cilat zyrtarët thanë se do të ngarkonin tatimpaguesin.

“Në vend që të nënshkruhet CBA, ajo u politizua. Greva e zgjatur është për shkak se qeveria ka qenë e pasinqertë”, thotë Seth Panyako, sekretari i përgjithshëm i Sindikatës Kombëtare të Infermiereve të Kenisë./Periskopi/