‘Goditjen’ e radhës Katalonja e merr nga Gjermania e Britania

Zëdhënësi i kryeministres Theresa May ka thënë që kjo deklaratë është e bazuar në një votim i cili ishte shpallur ilegal.

Ai ka shtuar që Britania dëshiron të shoh ruajtjen e unitetit të Spanjës.

Edhe Gjermania mbështet qeverinë spanjolle dhe nuk do ta njohë pavarësinë të cilën sot pasdite e shpalli parlamenti katalonas, deklaroi zëdhënësi i qeverisë gjermane, Steffen Seibert.

Sipas tij, Berlini po përcjell me shqetësim eskalimin e situatës në Spanjë, duke përmendur se shpallja e njëanshme e pavarësisë “shkel parimet e sovranitetit dhe integritetit territorial të Spanjës”, transmeton Reuters.

Parlamenti i Katalonisë ka votuar pro deklaratës së pavarësisë nga Spanja, përderisa parlamenti spanjoll ka aprovuar shtrirjen e sundimit direkt në këtë regjion.