‘Gjendja e sigurisë në veri mbetet e brishtë’ (Video)

Mos shuarja e tërësishme e strukturave paralele, mungesa e integrimit të mirëfilltë të sistemit të drejtësi po ndikojnë që siguria në veri të jetë e brishtë, thonë njohës të kësaj fushe.

Sipas tyre, kjo gjendje, krahas shqiptarëve, është bërë e padurueshme edhe për serbët.

Për t’u ulur numri i incidenteve në këtë vend, njohësit thonë se duhet të funksionojë komplet zinxhiri i strukturave të sigurisë dhe ndjekjes.

Avni Islami thotë se ndikimi i Serbisë në grupet kriminale në veri dhe monopoli në biznes janë disa nga faktorët për brishtësinë e sigurisë e që, sipas tij, me këto probleme janë lodhur si banorët shqiptarë në këtë pjesë, ashtu edhe vetë serbët e veriut.