5 orë më parëFazliu: Ja çka u thash shokëve të luftës kur u largova nga PDK
Periskopi(9 vite më parë)
(9 vite më parë)Kandidati për kryetar të Komunës së Ferizajt nga radhët e Nismës Qytetare për Ferizajn, Bashkim Fazliu, në një intervistë për Periskopin ka folur për largimin e tij nga Partia Demokratike e Kosovës, ku kishte qëndruar pothuajse një dekadë. Ai thotë se është larguar nga PDK, sepse asnjëherë nuk është pajtuar me diçka që ka qenë […]
Ai thotë se është larguar nga PDK, sepse asnjëherë nuk është pajtuar me diçka që ka qenë në dëm të vendit.
“PDK në Ferizaj ka qenë shumë e mbyllur. Unë e kam hapur qoftë për shoqërinë civile apo edhe për strukturat e tjera këtu në Ferizaj, duke sjellë një kreativitet dhe mentalitet më kreativ. Pasi erdhën në pushtet, dolën ambiciet e njerëzve dhe anët më negative. Aty filloj ballafaqimi. Pastaj dëmi që donin t’i bënin qytetit. Kam qenë edhe Shef i grupit Parlamentar të PDK’së, po nuk jam pajtuar as nuk do të pajtohem asnjëherë që të bëhet diçka në dëm të Kosovës”, ka thënë ai në një intervistë për Periskopin.
Me daljen e tij nga PDK, Fazliu tha se aty mbetën vetëm disa individë, të cilët i quajti ‘fosile’ e ‘putha-dorë’.
“Ju kam thënë mos veproni kështu se unë do të dalë. E nëse unë dalë, atëherë do t’ju dalë punën me mu. Na kanë nënçmu pak. Kur dalin njerëz kreativ, mbesin njerëz që janë putha-dorë. Janë fosilë e dinosaurë, që janë të kënaqur. Bëhen kukulla, por ata nuk i shtyjnë proceset përpara. Ata që bëjnë ‘amin’ s’i shtyjnë proceset. Duhet më jau thënë të vërtetën njerëzve. Në PDK kam qenë i zhgënjyer. Aty kam pas edhe shumë shokë të luftës. Ju kam thënë: Ju keni harru për çka kemi luftu. A me zhvillu këtë vend a me shkatërru? Ky është dallim shumë i madh. Unë s’kam deviju. Kemi luftuar me shliru këtë vend e me shku përpara”, tha më tutje Fazliu./Periskopi
