3 orë më parëErdogan i ‘pangopur’, pas Idlibit shtrin operacionet ushtarake drejt provincës tjetër
Periskopi(9 vite më parë)
(9 vite më parë)Operacioni i Forcave të Armatosura Turke (TSK) në provincën Idlib të Sirisë është pothuajse i plotë dhe ofensiva e ardhshme ushtarake mund të synojë provincën tjetër të quajtur Afrin, tha Presidenti Rexhep Tajip Erdogan, duke iu referuar kantonit të Sirisë nën kontrollin e Njësive Mbrojtëse të Popullit Kurd të Sirisë (YPG). “Veprimi ynë në Idlib […]
“Veprimi ynë në Idlib është pothuajse i plotë, përpara nesh është Afrini, këto janë kërcënime për ne dhe ne kurrë nuk do të bëjmë lëshime ndaj kërcënimeve të tilla”, tha Erdogan në grupin parlamentar të Partisë së tij për Drejtësi dhe Zhvillim (AKP) më 24 tetor, raporton “Hurriyet Daily News”, transmeton Periskopi.
Turqia filloi operacionin në Idlib më 8 tetor si pjesë e marrëveshjes tre-vjeçare me Rusinë dhe Iranin me qëllim krijimin e zonave të de-eskalimit në Siri.
“Ne kemi thënë gjithmonë, ne mund të vinim papritmas gjatë një mbrëmje. Në të vërtetë, ne mund të godisnim gjatë një mbrëmje”, tha Erdogani, duke përdorur një frazë që është bërë e popullarizuar në mesin e nacionalistëve turq.
Ai gjithashtu përsëriti kritikat e tij të ashpra kundër Shteteve të Bashkuara të Amerikës mbi mbështetjen e tij ndaj YPG, duke nënkuptuar se grupi kishte marrë kontrollin e puseve të naftës në Sirinë jugore me ndihmën e SHBA’së.
‘YPG kontrollon 25 për qind të Sirisë’
“Rreth 25 për qind e Sirisë është nën kontrollin e YPG, ndërsa 10 për qind janë nën kontrollin e Daesh’it (akronim arabisht për Shtetin Islamik të Irakut dhe Levantit)./Periskopi/
