Erdogan kërcënon frikshëm vendet që përpiqen të dëmtojnë interesat turke

“Nëse ata kundër nesh veprojnë brenda kufijve të demokracisë, ne do të përdorim rregullat tona të demokracisë. Nëse ata kundër nesh veprojnë në përputhje me të drejtat dhe ligjin, ne do të përdorim rregullat e ligjit tonë. Por nëse ata kundër nesh nuk i përmbahen asnjërit prej këtyre, atëherë ne do t’i shkatërrojmë lojrat e tyre me forcë,” tha Erdogan.

“Veterani Mustafa Kemal Ataturk, i cili themeloi Republikën e Turqisë ku ne kujtojmë hirin e të rënëve, përcaktoi një objektiv për shtetin tonë të ri. Ky objektiv ishte duke u rritur në nivelin e qytetërimit bashkëkohor”, shtoi ai.

“Sulmet kanë vazhduar pothuajse pa ndalur për vite me radhë. Sot kemi filluar që këto pengesa t’i parandalojmë, falë ndihmës së Perëndisë dhe mbështetjes së popullit tonë. Falë Zotit projektet dhe skenarët që kanë patur sukses në nivel global dhe rajonal nuk kanë pasur sukses në vendin tonë,” tha Erdogan duke përsëritur se” Turqia nuk është një vend fisnor”.

“Turqia, me akumulimin historik të shumë shekujve, është një vend që është një shembull për vendet e tjera në botë. Ata që mendojnë se populli turk përbëhet vetëm nga 80 milionë qytetarë, nuk kanë vënë re qindra miliona vëllezër e motra që luten për ne”, tha presidenti turk.

“Fjala ‘robëri’ nuk ekziston në librin tonë … Fjala ‘skllavi’ nuk ekziston për ne. Sepse ne vetëm po i shërbejmë Perëndisë që ekziston. Në librin tonë nuk mund të ketë një qëndrim të qetë përballë padrejtësive… Për ne, liria qëndron mbi çdo gjë. Vlerat tona të shenjta, azani ynë [thirrja islame në lutje] dhe flamuri ynë vijnë edhe para jetës sonë”, tha Erdogan.

“Ne jemi duke planifikuar të festojmë 100 vjetorin e republikës sonë në vitin 2023 me vizionin që kemi krijuar dhe synimet që kemi caktuar për vitin 2023”, tha ai duke shtuar se qeveria po punon “ditë e natë” përpara 100 vjetorit të republikës turke.

Në pritje morën pjesë mysafirë vendas dhe të huaj nga politika, arti, biznesi dhe sporti./Periskopi/