3 orë më parëEdhe Universiteti i Oksfordit i del kundër Suu Kyi’së për shkak të gjenocidit kundrejt myslimanëve të Mianmarit
Periskopi(9 vite më parë)
(9 vite më parë)Aung San Suu Kyi është duke ju mohuar çmimi i saj i Lirisë së Oksfordit për shkak të reagimit të saj ndaj krizës të Rohingyave në Mianmar. Udhëheqësja de fakto e Burmës, e cila mbaroi studimet universitare në Universitetin e Oksfordit, u nderua në vitin 1997 për “luftën për demokraci” që kishte zhvilluar në atë […]
Udhëheqësja de fakto e Burmës, e cila mbaroi studimet universitare në Universitetin e Oksfordit, u nderua në vitin 1997 për “luftën për demokraci” që kishte zhvilluar në atë kohë, raportoi “The Independent”, transmeton Periskopi.
Por Këshilli i Qytetit të Oksfordit votoi njëzëri për të mbështetur një mocion që tha se ishte “jo më e përshtatshme” që Suu Kyi të mbajë një çmim të tillë, e cila ka ardhur nën kritika të ashpra për mosveprimin përballë mizorive të raportuara kundër myslimanëve Rohingya në shtetin Rakhinë të Birmanisë.
Më shumë se 500,000 njerëz kanë ikur përtej kufirit në Bangladesh që nga fundi i gushtit të këtij viti.
Reputacioni i Oksfordit është “i dëmtuar duke nderuar ata që i mbyll sytë ndaj dhunës”, tha Mary Clarkson, një këshilltar lokal dhe anëtar i partisë së punës, në një fjalim që propozonte mocionin.
“Ndërkohë që OKB e quan situatën si një ‘shembull i librave shkollorë të spastrimit etnik’, Aung San Suu Kyi mohon çdo spastrim etnik dhe hedh poshtë pretendimet e shumta të dhunës seksuale ndaj grave Rohingya si një ‘përdhunim i rremë’”, tha Clarkson.
Në një fjalim në fund të shtatorit, Suu Kyi i dënoi të gjitha shkeljet e të drejtave të njeriut dhe premtoi të ndëshkonte autorët e krimit, deklaratën e saj të parë publike mbi këtë temë që prej fillimit të eksodit të refugjatëve.
Por ajo nuk iu drejtua akuzave për spastrim etnik dhe nuk kritikoi veprimet e ushtrisë. Fjalimi i saj u përshkrua si “pak më shumë se një përzierje e të pavërtetave dhe fajësimit të viktimave” nga drejtori i “Amnesty International” për rajonin, James Gomez.
Çmimi pritet të shqyrtohet nga këshilltarët këtë muaj, tha për Reuters, ekipi i shërbimit të këshillit demokratik, i cili trajton peticionet.
Ndërkohë Unison, sindikata e dytë më e madhe e Britanisë, njoftoi muajin e kaluar se do të pezullonte anëtarësimin e saj si pjesëtare nderi.
Më shumë se 400,000 njerëz kanë kërkuar që Suu Kyi t’i hiqet çmimi Nobel për Paqe, por Instituti Nobel tha se ishte e pamundur të hiqej një çmim pasi të ishte dhuruar./Periskopi/
