4 orë më parëLDK përmbyll fushatën e bindur në fitore në shumicën e komunave
Periskopi(9 vite më parë)
(9 vite më parë)Lidhja Demokratike e Kosovës ka përmbyllur fushatën në Prishtinë e bindur se në zgjedhjet lokale të 22 tetorit do të arrijë fitore në Prishtinë dhe në shumicën e komunave tjera në Kosovë. Me rastin e përmbylljes së fushatës së kësaj partie në kryeqytet janë prezantuar kandidatët për kryetarë të komunave nga radhët e kësaj partie, […]
Me rastin e përmbylljes së fushatës së kësaj partie në kryeqytet janë prezantuar kandidatët për kryetarë të komunave nga radhët e kësaj partie, për të cilët u tha se janë njerëz që gëzojnë besimin e LDK-së dhe qytetarëve të Kosovës.
Kandidati për kryetar të Prishtinës nga radhët e LDK-së, Arban Abrashi, ka thënë se është privilegj që i jep LDK-ja që në emër të saj t’iu drejtohet qytetarëve të Prishtinës, apo Dardanisë antike siç e quante presidenti historik Ibrahim Rugova.
Abrashi: LDK do të fitojë Prishtinën
Video
“LDK do të fitojë Prishtinën. Qytetarët e Prishtinës kanë vendosur të jem kryetar i Prishtinës, ashtu sikur kanë vendosur edhe komunat tjera të Kosovës të përfaqësohen nga këta kandidatë të mrekullueshme të LDK-së. Këto ditë secili prej nesh kemi komunikuar për projektin e LDK-së. Ne jemi pasuesit e vetëm të këtij projekti. Vetëm LDK ka programin dhe njerëzit me duar të pastra për të qeverisur komunat e Kosovës. Njerëzit tanë janë të përgjegjshëm para qytetarëve”, ka thënë Abrashi.
Ai ka shprehur besimin se LDK-ja do të kthejë qeverisjen edhe në ato komuna në të cilat nuk ka qenë në pushtet, ndërsa shprehur besimin se LDK do të kthejë fuqishëm Prishtinën dhe shumicën e komunave dhe do të dalë partia e parë në Kosovë.
Kandidati i LDK-së për të parin e Prishtinës tha se vetëm LDK-ja është garantuese e ideve perëndimore të Kosovës dhe i bëri thirrje elektoratit që më 22 tetor të dalin masivisht, në mënyrë që kjo parti të shënojë fitore të bindshme në të gjitha komunat.
Kryetari i LDK-së, Isa Mustafa, ka thënë se kandidatët e kësaj partie për kryetar komunash janë personat më të duhur për të udhëhequr në qeverisjen e ardhshme katërvjeçare
Mustafa ka thënë se rivalët e LDK-së e kanë keqpërdorur këtë parti për të udhëhequr Kosovën.
Ai tha se qytetarët e dëshpëruar nga akterët e skenës politike të Kosovës se adresë për zgjidhjen e shqetësimeve të tyre e kanë LDK-në, si parti e besueshme dhe ka bërë thirrje që më 22 tetor të votohen kandidatët e kësaj partie.
